បិទ Ronaldo មិនមែនជារឿងពិបាកទេសម្រាប់អ៊ុយរ៉ាហ្គាយ

បន្ទាប់ពីប្រធានក្រុមព័រទុយហ្គាល់ បានទាត់បញ្ចូលទី ៤ គ្រាប់ក្នុងព្រឹត្តិការណ៏នេះ ខណៈដែល ៣ គ្រាប់ម្នាក់ឯងក្នុងថ្ងៃបើកឆាកជាមួយអេស្ប៉ាញ បានធ្វើឲ្យក្រុមអ៊ុយរូហ្គាយ ត្រៀមវិធីសាស្រ្តមួយក្នុងការបិទខ្សែប្រយុទ្ធក្លិប Real Madrid រូបនេះដោយគ្រូបង្វឹកបានដាក់ខ្សែការពារដល់ទៅ ៣ នាក់នៅខាងក្រោមដើម្បីដេញតាមបិទខ្សែប្រយុទ្ធរូបនេះ។

ចំណែកឯកីឡាករ Diego Forlan ក៏បានលើកឡើងដែរថា៖ «Rolando ជាខ្សែប្រយុទ្ធដ៏ល្អបំផុត។ ដូច្ច្នេះហើយ គ្រាប់បាល់របស់គេពិតជាមានសារៈសំខាន់ខ្លាំងណាស់។ ខ្ញុំមិនសូវបារម្ភនិងខ្សែការពាររបស់យើងទេ តែក៏ត្រូវតែប្រយ័ត្នដែរ យើងត្រូវតែផ្ដោតលើការប្រកួតនេះឲ្យខ្លាំងជាងពួកគេទើប យើងអាចទៅមុខបន្តទៀតបាន។ ខ្ញុំដឹងថាគ្រូបង្វឹកលោកមាន វិធីសាស្រ្តក្នុងការបិទខ្សែប្រយុទ្ធរូបនោះហើយ តែមិនមែនបានន័យថាយើងឲ្យគេស៊ុតដោយស្រួលៗនោះទេ»៕